ខ.ការបើកផ្តល់សម្រាប់គ្រួសារមានអ្នកស្លាប់ដោយសារជំងឺកូវីដ-១៩ មានដំណើរការដូចខាងក្រោម៖

– នាយកដ្ឋានសុខុមាលភាពសង្គមទំនាក់ទំនងជាមួយក្រសួងសុខាភិបាល ដើម្បីទទួលបានព័ត៌មានអត្តសញ្ញាណរបស់អ្នកស្លាប់ ដោយសារជំងឺកូវីដ-១៩ សម្រាប់រៀបចំការបើកផ្តល់

– នាយកដ្ឋានសុខុមាលភាពសង្គម បញ្ជូនទិន្នន័យអ្នកបើកផ្តល់ជូនធនាគារវីង ដើម្បីផ្ទេរប្រាក់ចូលទៅគណនីរបស់គ្រួសារសព

– នាយកដ្ឋានសុខុមាលភាពសង្គមជូនដំណឹងដល់មន្ទីរស.អ.យ. រាជធានី ខេត្ត ដើម្បីសម្របសម្រួលជាមួយរដ្ឋបាលរាជធានី ខេត្ត ធ្វើការជូនដំណឹងទៅរដ្ឋបាលឃុំ សង្កាត់

– រដ្ឋបាលឃុំ សង្កាត់ សហការជាមួយភ្នាក់ងារវីង ដើម្បីបើកផ្តល់ជូនក្រុមគ្រួសារសពដោយផ្ទាល់ នៅលំនៅដ្ឋានរបស់ក្រុមគ្រួសារសព

– រដ្ឋបាលឃុំ សង្កាត់ ត្រូវថតចម្លងឯកសារពាក់ព័ន្ធសម្រាប់ទូទាត់ដូចជា សេចក្តីចម្លងសំបុត្រមរណភាព អត្តសញ្ញាណប័ណ្ណរបស់គ្រួសារសពដែលបើកប្រាក់ សៀវភៅគ្រួសារ និងវិក័យបត្របើកប្រាក់ រួចបញ្ជូនជាឯកសារអេឡិចត្រូនិចទៅក្រសួងសង្គមកិច្ច អតីតយុទ្ធជន និងយុវនីតិសម្បទា។