រាជរដ្ឋាភិបាលកម្ពុជាមានចក្ខុវិស័យវែងឆ្ងាយក្នុងការគាំពារសង្គមដោយកសាងប្រព័ន្ធជំនួយសង្គមមួយដែលមានប្រសិទ្ធភាព ចីរភាពហិរញ្ញវត្ថុ និងបរិយាបន្ន ដើម្បីបម្រើដល់គោលនយោបាយកាត់បន្ថយ និងទប់ស្កាត់ភាពក្រីក្រ ភាពងាយរងគ្រោះ និងវិសមភាព តាមរយៈការដាក់ចេញនូវក្របខណ្ឌគោលនយោបាយជាតិគំាពារសង្គម ២០១៦-២០២៥។ ក្នុងក្របខណ្ឌកិច្ចសហប្រតិ្តការរវាងក្រសួងសង្គមកិច្ច អតីតយុទ្ធជន និងយុវនីតិសម្បទា ជាមួយកម្មវិធីអភិវឌ្ឍអង្គការសហប្រជាជាតិ (UNDP) ដើម្បីរៀបចំយន្តការ និងនីតិវិធីអនុវត្តសាកល្បងទៅលើកម្មវិធីឧបត្ថម្ភសាច់ប្រាក់ជូនគ្រួសារក្រីក្រ ដែលមានបណ្ណសមធម៌ មានសុពលភាពរស់នៅក្នុងស្រុកទឹកផុស ខេត្តកំពង់ឆ្នាំង និងស្រុករវៀង ខេត្តព្រះវិហារ។