នាថ្ងៃទី១៧ ខែមិថុនា ឆ្នាំ២០២៣ ឯកឧត្តម ឈួរ សុបញ្ញា រដ្ឋលេខាធិការ និងជាប្រតិភូរាជរដ្ឋាភិបាលទទួលបន្ទុកជាអគ្គនាយក នៃមូលនិធិជាតិជំនួយសង្គម បានអញ្ជើញដឹកនាំចុះត្រួតពិនិត្យកម្មវិធីឧបត្ថម្ភសាច់ប្រាក់ជូនស្ត្រីមានផ្ទៃពោះ និងកុមារអាយុក្រោម ២ឆ្នាំ នៅសង្កាត់ម្កាក់ ក្រុងសេរីសោភ័ណ ខេត្តបន្ទាយមានជ័យ ដែលមានការចូលរួមពីឯកឧត្តមអភិបាលរង នៃគណៈអភិបាលខេត្ត លោកប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទា ខេត្ត លោកប្រធាននាយកដ្ឋានគោលនយោបាយ និងនីតិកម្ម លោកអនុប្រធានគ្រប់គ្រងសេវានិងឧបត្ថម្ភរបបតាវកាលិក និងមន្រ្តីនៃមូលនិធិជាតិជំនួយសង្គម លោកមេឃុំ និងសមាជិកក្រុមប្រឹក្សាសង្កាត់ម្កាក់ តំណាងធនាគាវីង ប្រមាណជាង ២០នាក់ នៅសាលាសង្កាត់ម្កាក់។