កិច្ចប្រជុំគណៈកម្មាធិការប្រតិបត្តិក្រុមប្រឹក្សាជាតិគាំពារសង្គម «ដើម្បីពិនិត្យ និងពិភាក្សាលើសេចក្តីព្រាងគោលនយោបាយ ក្នុងការផ្តល់អាហាររូបត្ថម្ភតាមសាលារៀនសម្រាប់ឆ្នាំ២០២៤ ដល់២០៣៥»
ថ្ងៃទី ១៤ ខែសីហា ឆ្នាំ២០២៤
នៅព្រឹកថ្ងៃទី១៤ ខែសីហា ឆ្នាំ២០២៤៖ ឯកឧត្តម ស៊ូនី វង្សវិសិដ្ឋ រដ្ឋលេខាធិការ និងជាអនុប្រធានគណៈកម្មាធិការប្រតិបត្តិ នៃក្រុមប្រឹក្សាជាតិគាំពារសង្គម តំណាងឯកឧត្តមរដ្ឋមន្រ្តី ជា សុមេធី ក្រសួងសង្គមកិច្ច អតីតយុទ្ធជន និងយុវនីតិសម្បទា បានចូលរួមកិច្ចប្រជុំគណៈកម្មាធិការប្រតិបតិ្ត ក្រោមអធិបតីភាពលោកជំទាវ ប៉ែន សុបភា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មាធិការប្រតិបត្តិនៃក្រុមប្រឹក្សាជាតិគាំពារសង្គម ដើម្បីពិនិត្យពិភាក្សាបញ្ចប់លើសេចក្ដីព្រាងគោលនយោបាយស្ដីពីការផ្ដល់អាហារតាមសាលារៀន ឆ្នាំ២០២៤-២០៣៥ មុននឹងបន្តនីតិវិធិគោរពស្នើសុំការសម្រេចដ៏ខ្ពង់ខ្ពស់របស់ប្រមុខរាជរដ្ឋាភិបាលនាពេលខាងមុខ កិច្ចប្រជុំនេះយោងតាមប្រតិបត្តិតាមការណែនាំដ៏ខ្ពង់ខ្ពស់របស់កិច្ចប្រជុំក្រុមប្រឹក្សាជាតិគាំពារសង្គម និងមានការអញ្ជើញចូលរួមពីឯកឧត្តម លោកជំទាវ ដែលជាអនុប្រធាន និងសមាជិកនៃគណៈកម្មាធិការប្រតិបត្តិ ព្រមទាំងឯកឧត្តម លោកជំទាវ លោក លោកស្រី ដែលជាតំណាងក្រសួងស្ថាប័នពាក់ព័ន្ធផងដែរ។
