រសៀលថ្ងៃអង្គារ ៦កើត ខែពិសាខ ឆ្នាំថោះ បញ្ចស័ក ព.ស.២៥៦៦ ត្រូវនឹងថ្ងៃទី២៥ ខែមេសា ឆ្នាំ២០២៣ ឯកឧត្តម ឈួរ សុបញ្ញា រដ្ឋលេខាធិការ និងជាប្រតិភូរាជរដ្ឋាភិបាលទទួលបន្ទុកជាអគ្គនាយកនៃមូលនិធិជាតិជំនួយសង្គម អញ្ជើញជាអធិបតីភាពដ៏ខ្ពង់ខ្ពស់ ក្នុងកិច្ចប្រជុំពិនិត្យវឌ្ឍនភាពការងារ របស់នាយកដ្ឋាន អង្គភាព ចំណុះក្រោម មូលនិធិជាតិជំនួយសង្គម និងការបោះឆ្នោតជ្រើសរើសតំណាងបុគ្គលិកចូលជាសមាជិកក្រុមប្រឹក្សាភិបាលនៃមូលនិធិជាតិជំនួយសង្គមសម្រាប់អាណត្តិទី១ កិច្ចប្រជុំនេះមានការចូលរួមពី ឯកឧត្តម អនុរដ្ឋលេខាធិការ លោក លោកស្រី អគ្គនាយករង លោក លោកស្រី ប្រធាននាយកដ្ឋាន មន្រ្តីរាជការ និងបុគ្គលិកទាំងអស់ របស់មូលនិធិជាតិជំនួយសង្គម នៅទីស្តីការក្រសួងសង្គមកិច្ច អតីតយុទ្ធជន និងយុវនីតិសម្បទា។