ក្រុមគ្រួសារសពអតីតយុទ្ធជន ចំនួន ១២គ្រួសារ និងជនពិការទទួលប្រាក់ឧបត្ថម្ភមួយលើកដំបូង ចំនួន៣១ នាក់ ក្នុងរាជធានីភ្នំពេញ និងខេត្តកណ្តាលបានទទួលប្រាក់គោលនយោបាយរបបសន្តិសុខសង្គមរបស់រាជរដ្ឋាភិបាល ពីមូលនិធិជាតិជំនួយសង្គមនៅថ្ងៃទី២៧ ខែមេសា ឆ្នាំ២០២៣
ថ្ងៃទី ១៤ ខែមិថុនា ឆ្នាំ២០២៣
ក្នុងឱកាសនេះ ឯកឧត្តម ឈួរ សុបញ្ញា រដ្ឋលេខាធិការ និងជាប្រតិភូរាជរដ្ឋាភិបាលទទួលបន្ទុកជាអគ្គនាយកនៃមូលនិធិជាតិជំនួយសង្គម បានសម្តែងនូវសមាណទុក្ខដ៏ក្រៀមក្រំបំផុតតាមរយ:សាររំលែកទុក្ខ និងដោយបានចាត់ទុកមរ ណភាពរបស់អតីតយុទ្ធជន គឺជាការបាត់បង់នូវក្រុមគ្រួសារ សាច់ញាតិសហការីការងារ ជាទីគោរពស្រលាញ់ដ៏ជ្រាលជ្រៅបំផុតនិងប្រកបដោយព្រហ្មវិហារធម៌ដែលតែងតែយកអស់កម្លាំងកាយចិត្ត ប្រាជ្ញា ស្មារតី កសាងគ្រួសារ ចិញ្ចឹមបីបាច់ថែរក្សា និងអប់រំទូន្មានបុត្រធីតា ចៅៗ ប្រកប ដោយគន្លងធម៌ និងដ៏ឆ្នើម១រូបប្រកប ដោយឆន្ទៈ មនសិការការងារនិងមានស្នាដៃក្នុងការកសាងជាតិ និងបម្រើផលប្រយោជន៍ប្រជាពលរដ្ឋកម្ពុជា។
