ជំនួបពិភាក្សាទ្វេភាគីរវាង មូលនិធិជាតិជំនួយសង្គម និងអគ្គនាយកដ្ឋានអប់រំ នៃក្រសួងអប់រំ យុវជន និងកីឡា ស្ដីពីកម្មវិធីអាហារូបករណ៍សម្រាប់សិស្សានុសិស្សនៅបឋមសិក្សា រហូតដល់មធ្យមសិក្សាចំណេះទូទៅដែលត្រូវអនុវត្តនាឆ្នាំ២០២៥ ខាងមុខ
ថ្ងៃទី ១២ ខែកក្កដា ឆ្នាំ២០២៤
រាជធានីភ្នំពេញ៖ ថ្ងៃពុធ ទី១០ ខែកក្កដា ឆ្នាំ២០២៤ ឯកឧត្តម ស៊ឹម សុធន ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយកមូលនិធិជាតិជំនួយសង្គម បានជួបពិភាក្សាជាមួយ ឯកឧត្តម អ៊ុង ជិនណា អគ្គនាយក នៃអគ្គនាយកដ្ឋានអប់រំ របស់ក្រសួងអប់រំ យុវជន និងកីឡា ដើម្បីពិភាក្សាលើការត្រៀមលក្ខណៈការធ្វើសមាហរណកម្ម កម្មវិធីអាហារូបករណ៍សម្រាប់សិស្សានុសិស្សនៅបឋមសិក្សា ដល់មធ្យមសិក្សាចំណេះទូទៅក្នុងគ្រួសារមានបណ្ណសមធម៌ ទៅក្នុងកម្មវិធីជាតិជំនួយសង្គមក្នុងកញ្ចប់គ្រួសារដែលនឹងត្រូវអនុវត្តនៅដើឆ្នាំ២០២៥ខាងមុខនេះ ស្របតាមអនុក្រឹត្យលេខ ៣៧២អនក្រ.បក ស្ដីពីការអនុវត្តកម្មវិធីជាតិជំនួយសង្គមក្នុងកញ្ចប់គ្រួសារ។
