ឯកឧត្តម ឈួរ សុបញ្ញា ប្រតិភូរាជរដ្ឋាភិបាលទទួលបន្ទុកជាអគ្គនាយក នៃមូលនិធិជាតិជំនួយសង្គម បានដឹកនាំគណៈប្រតិភូ មូលនិធិជាតិជំនួយសង្គម ធ្វើទស្សនកិច្ចសិក្សាពាក់ព័ន្ធ «ការបណ្តុះបណ្តាលឌីជីថល ជាពិសេសគម្រោងកែទម្រង់ការផ្ដល់សេវាសាធារណៈតាមប្រព័ន្ធឌីជីថលនៃក្រសួងស្ថាប័នចំនួន ៦» ដែលមានអ្នកចូលរួមចំនួន ៣០រូប ធ្វើទស្សនកិច្ចសិក្សានៅ វិទ្យាស្ថានមុខងារសាធារណៈ(Civil Service colleague) នៃប្រទេសសិង្ហបុរី ។ ទស្សនកិច្ចសិក្សានេះ គឺជាកិច្ចសហប្រតិបត្តិការរវាងក្រសួងមុខងារសាធារណៈ និងមូលនិធិ Temasek អន្តរជាតិ ដែលមានសាលាភូមិន្ទរដ្ឋបាលជាអង្គភាពប្រតិបត្តិ ប្រព្រឹត្តទៅចាប់ពីថ្ងៃទី២០ ដល់ថ្ងៃទី២៣ ខែកុម្ភៈ ឆ្នាំ២០២៣។