• សម្រាប់អ្នកនៅរាជធានីភ្នំពេញ និវត្តជន ឬជនបាត់បង់សម្បទាវិជ្ជាជីវៈអាចបើកប្រាក់សោធននៅតាមប្រព័ន្ធធនាគារកាណាឌីយ៉ា ក.អ ដោយភ្ជាប់នូវសៀវភៅគណនី និងអត្តសញ្ញាណប័ណ្ណសញ្ជាតិខ្មែរ ឬកាតអេធីអ៊ឹម (ប្រើតាមទូ ATM) សម្រាប់បើករបបសន្តិសុខសង្គមប្រចាំខែ។
• សម្រាប់អ្នកស្ថិតនៅបណ្តាខេត្តនានា និវត្តជន ឬជនបាត់បង់សម្បទាវិជ្ជាជីវៈអាចបើកប្រាក់សោធននៅតាមប្រព័ន្ធធនាគារអេស៊ីលីដា ភីអិលស៊ី ដោយភ្ជាប់នូវសៀវភៅគណនី និងអត្តសញ្ញាណប័ណ្ណសញ្ជាតិខ្មែរ ឬកាតអេធីអ៊ឹម (ប្រើតាមទូ ATM) សម្រាប់បើករបបសន្តិសុខសង្គមប្រចាំខែ។
• ករណីនិវត្តជន ឬជនបាត់បង់សម្បទាវិជ្ជាជីវៈមានគណនីធនាគារផ្សេងពីធនាគារខាងលើ នោះមូលនិធិជាតិជំនួយសង្គមសម្របសម្រួលជាមួយនិវត្តជន ឬជនបាត់បង់សម្បទាវិជ្ជាជីវៈ និងធនាគារកាណាឌីយ៉ា ក.អ សម្រាប់អ្នកស្ថិតនៅរាជធានីភ្នំពេញ ឬគណនីធនាគារអេស៊ីលីដា ភីអិលស៊ី សម្រាប់អ្នកស្ថិតនៅបណ្តាខេត្តនានា ដើម្បីបង្កើតគណនីសម្រាប់ការបើករបបសន្តិសុខសង្គមប្រចាំខែ។

• មន្រ្តីរាជការស៊ីវិលទទួលមរណភាពដោយជំងឺ ទទួលបានប្រាក់ឧបត្ថម្ភ ១លើកគត់ ស្មើនឹងបៀវត្សមូលដ្ឋានគុណនឹង៦ខែ និងប្រាក់បូជាសព ២ ០០០ ០០០រៀល នៅក្រសួង ស្ថាប័នសាមី។
• ចំពោះមន្រ្តីរាជការស៊ីវិលទទួលមរណភាពដោយភារកិច្ច ទទួលបានប្រាក់ឧបត្ថម្ភ ១លើកគត់ ស្មើ​នឹង​បៀវត្សមូលដ្ឋានគុណនឹង៨ខែ និងប្រាក់បូជាសព ៤ ០០០ ០០០រៀល នៅក្រសួង ស្ថាប័នសាមី។
• ដោយឡែកសហព័ន្ធ និងកូនក្នុងបន្ទុករបស់សពមន្រ្តីរាជការស៊ីវិល ទទួលបានរបបសន្តិសុខសង្គមនៅ​ក្រសួងសង្គមកិច្ច អតីតយុទ្ធជន និងយុវនីតិសម្បទា ដោយកូនក្នុងបន្ទុកទទួលបានប្រាក់ជាប្រចាំខែចំនួន ៣០ ០០០រៀល ក្នុងមួយនាក់។

នៅពេលនិវត្តជន ឬជនបាត់បង់សម្បទាវិជ្ជាជីវៈទទួលមរណភាព គ្រួសារនៃសពត្រូវបានរាជរដ្ឋាភិបាលផ្តល់ប្រាក់ឧបត្ថម្ភរបបសន្តិសុខសង្គម១លើក ចំនួន១២ខែ លើប្រាក់សោធននិវត្តន៍សរុបប្រចាំខែរបស់សាមីខ្លួន។ ដំណើរការរៀបចំការឧបត្ថម្ភផ្តល់ប្រាក់ឧបត្ថម្ភរបបសន្តិសុខសង្គមជូនគ្រួសារសពមានដូចខាងក្រោម ៖

• គ្រួសារសពត្រូវមកសាខា ម.ជ.ជ. ខេត្ត រៀបចំលិខិតស្នើសុំឧបត្ថម្ភរបបសន្តិសុខសង្គម ដោយមានបិតរូបថត ៤x៦ របស់អ្នកស្នើសុំ និងមានការបញ្ជាក់ដោយសាលាឃុំ សង្កាត់ និងភ្ជាប់មកជាមួយនូវ៖