នៅព្រឹក ថ្ងៃពុធ ៦រោច ខែពិសាខ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១០ ខែឧសភា ឆ្នាំ២០២៣ មូលនិធិជាតិជំនួយសង្គម បានរៀបចំសន្និបាតបូកសរុបលទ្ធផលការងារ នៃការអនុវត្តកម្មវិធីជំនួយសង្គមប្រចាំឆ្នាំ២០២២ និងទិសដៅអនុវត្តបន្តឆ្នាំ២០២៣ ក្រោមអធិបតីភាពដ៏ខ្ពង់ខ្ពស់ ឯកឧត្តម វង សូត រដ្ឋមន្រ្តី ក្រសួងសង្គមកិច្ច អតីតយុទ្ធជន និងយុវនីតិសម្បទា នៅទីស្តីការក្រសួង ស.អ.យ. ដែលមានការចូលរួមពីតំណាងក្រសួង-ស្ថាប័នពាក់ព័ន្ធ  រដ្ឋបាលសាលារាជធានី ខេត្ត មន្ទីរស.អ.យ មន្ទីរផែនការ មន្ទីរសុខាភិបាល និងដៃគូអភិវឌ្ឍន៍នានា សរុបប្រមាណ ៣០០នាក់។