នៅប្រទេសម៉ាឡេស៊ី នាថ្ងៃទី៤- ទី៥ ខែមិថុនា ឆ្នាំ២០២៤៖ លោក ខឹម សំអាត អគ្គនាយករង នៃមូលនិធិជាតិជំនួយសង្គម តំណាងឯកឧត្តម ស៊ឹម សុធន ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយកមូលនិធិជាតិជំនួយសង្គម បានដឹកនាំមន្ត្រី នៃមូលនិធិជាតិជំនួយសង្គម ចូលរួមសន្និសីទសុខុមាលភាពសង្គមអន្តរជាតិ(ISWC) 2024 ដែលរៀបចំដោយសមាគមសន្តិសុខសង្គមអាស៊ាន(ASSA) ក្រោមមូលបទ «ភាពវ័យចំណាស់ និងភាពមានអាយុវែង ឆ្ពោះទៅរកការចូលនិវត្តន៍ប្រកបដោយអត្ថន័យ» ដោយសន្និសីទនេះមានការចូលរួមពីសមាជិកសមាគមសន្តិសុខសង្គមអាស៊ាន (ASSA) តំណាងសមាគមសន្តិសុខសង្គមអន្តរជាតិ (ISSA) តំណាងអង្គការសហប្រជាជាតិ អង្គការអន្តរជាតិ និងគ្រឹះស្ថានពាក់ព័ន្ធ ក្រោមអធិបតីភាពដ៏ខ្ពង់ខ្ពស់ ឯកឧត្តម YAB DATO’ SERI ANWAR BIN IBRAHIM នាយករដ្ឋមន្ត្រីនៃប្រទេសម៉ាឡេស៊ី។