ការគណនាប្រាក់សោធន និងប្រាក់ឧបត្ថម្ភនៃអតីតយោធិននៃក្រសួងការពារជាតិ មានដូចតទៅនេះ៖

ការចូលនិវត្តន៍ គឺបម្រើការងារជាយោធិនយ៉ាងតិច៥ឆ្នាំ ដោយមានលក្ខខណ្ឌ៖

+ ការចូលនិវត្តន៍តាមអាយុកំណត់៖

បម្រើការងាររដ្ឋរួមយ៉ាងតិច ២០ឆ្នាំ ចំពោះបុរស ហើយ១៥ឆ្នាំ ចំពោះស្រ្តី និងតាមឋានន្តរស័ក្តិ៖

នាយទាហាន

– ថ្នាក់វរសេនីយ៍ឯក និងវរនាវីឯកឡើងទៅ អាយុ ៦០ឆ្នាំ

– ថ្នាក់វរសេនីយ៍ទោ និងវរនាវីទោ អាយុ ៥៨ឆ្នាំ

– ថ្នាក់វរសេនីយ៍ត្រី និងវរនាវីត្រី អាយុ ៥៥ឆ្នាំ

– ថ្នាក់អនុសេនីយ៍ឯក និងអនុនាវីឯក អាយុ ៥៣ឆ្នាំ

– ថ្នាក់អនុសេនីយ៍ទោ និងអនុនាវីទោ អាយុ ៤៨ឆ្នាំ

– ថ្នាក់អនុសេនីយ៍ត្រី និងអនុនាវីត្រី អាយុ ៤៦ឆ្នាំ

– ថ្នាក់នាយចំណង់ និងនាយនាវីចំណង់ អាយុ ៤៣ឆ្នាំ នាយទាហានរង

– ថ្នាក់ព្រិន្ទបាលឯក និងនាយចក្របាលឯក អាយុ ៤២ឆ្នាំ

– ថ្នាក់ព្រិន្ទបាលទោ និងនាយចក្របាលទោ អាយុ ៤១ឆ្នាំ

– ថ្នាក់ពលបាលឯក និងចក្របាលឯក អាយុ ៤០ឆ្នាំ

– ថ្នាក់ពលបាលទោ និងចក្របាលទោ អាយុ ៣៩ឆ្នាំ

– ថ្នាក់ពលបាលត្រី និងចក្របាលត្រី អាយុ ៣៨ឆ្នាំ

+ការចូលនិវត្តន៍មុនអាយុកំណត់៖

បម្រើការងារនៅក្នុងតំបន់លំបាក ការងារគ្រោះថ្នាក់ ឬការងារប៉ះពាល់សុខភាពចំពោះបុរសបានបម្រើការងារ១០ឆ្នាំ ហើយនារីបម្រើការងារ៨ឆ្នាំ។ ការបាត់បង់សមត្ថភាពការងារ បុរសបានបម្រើការងាររួមយ៉ាងតិច១៥ឆ្នាំ និងស្ត្រីបានបម្រើការងាររួមយ៉ាងតិច១០ឆ្នាំ ហើយត្រូវបានវាយតម្លៃពីភាពបាត់បង់សមត្ថភាពការងារពីគណៈកម្មាធិការវាយតម្លៃ។ ពិការភាព អតីតយោធិន បាត់បង់សរីរាង្គណាមួយ ឬច្រើននៃរាងកាយ ដោយសារគ្រោះថ្នាក់ការងារ ឬគ្រោះថ្នាក់ធម្មជាតិ ពេលទទួលបញ្ជាបំពេញបេសកកម្ម និងបំពេញការងារធម្មតា ហើយដោយមានការវាយតម្លៃពីគណៈកម្មាធិការវាយតម្លៃ។ គ្រួសារអតីតយោធិន (ពលី មរណៈ បង្កស្លាប់ ឬបាត់ខ្លួន) ប្រពន្ធអាចទទួលបានរបបឧបត្ថម្ភ ត្រូវមានលក្ខខណ្ឌ៖

+ ប្រពន្ធស្របច្បាប់ ស្ថិតក្នុងភាពមេម៉ាយ

+ កូននៅក្នុងបន្ទុក ដែលមានអាយុចាប់ពី២១ឆ្នាំចុះ

+ ឪពុកម្តាយបង្កើត ឬអាណាព្យាបាល (មិនមានឪពុកម្តាយ) បើមាន

ការគណនាសោធន និងរបបឧបត្ថម្ភ ការគណនាប្រាក់ សោធននិវត្តន៍ សោធនបាត់បង់សមត្ថភាព ឬរបបឧបត្ថម្ភជនពិការ ត្រូវបានគណនា ផ្អែកតាមឋានន្តរស័ក្តិ (២០ថ្នាក់) នៃប្រាក់បៀវត្សមូលដ្ឋាន របស់យោធិន