គឺស្រ្តីមានផ្ទៃពោះ និងកុមារអាយុក្រោម ២ឆ្នាំ ស្ថិតក្នុងគ្រួសារក្រីក្រ ដែលមានប័ណ្ណសមធម៍ ឫប័ណ្ណអាទិភាព។

សូមអញ្ជើញទៅចុះឈ្មោះឃុំ សង្កាត់ដែលនៅជិតទីតាំងរបស់អ្នក ដោយយកទៅជាមួយនូវប័ណ្ណសមធម៍ ឬប័ណ្ណអាទិភាពនិងសៀវភៅសុខភាពមារតា ឬប័ណ្ណសុខភាពកុមារ។

ក្នុងករណីនេះ ៖

• អាចមកពីការទៅពិនិត្យមិនចំថ្ងៃណាត់របស់គ្រូពេទ្យ(មុន ឫក្រោយ)
• កាតវីងត្រូវបានប្លុក ដោយសារចុចលេខកូដខុសច្រើនដង
• ដំណោះស្រាយត្រូវរាយការណ៍ទៅ ឃុំ សង្កាត់ ដើម្បីដោះស្រាយជូន

ប្រាក់ឧបត្ថម្ភនេះមិនត្រូវបានបើករាល់ខែទេ គឺត្រូវទៅអនុវត្តលក្ខខណ្ឌដែលកម្មវិធីបានកំណត់ និងការណាត់របស់គ្រូពេទ្យ

• ពិនិត្យផ្ទៃពោះមុនសម្រាលចំនួន ៤លើក (មួយលើកទទួលបាន ៤ម៉ឺនរៀល)
• សម្រាលតាមពេលវេលាជាក់ស្តែង ១លើក (ទទួលបាន ២០ម៉ឺនរៀល)
• ពិនិត្យក្រោយសម្រាលចំនួន ១០លើក (មួយលើកទទួលបាន ៤ម៉ឺនរៀល)

សូមអញ្ជើញទៅ ឃុំ សង្កាត់ ដែលនៅជិតទីតាំងរបស់អ្នក ដើម្បីដាក់ពាក្យបណ្តឹងទាក់ទងទៅនឹងបញ្ហាដែលបងជួបប្រទះ ឫអាចទាក់ទងមកទូរស័ព្ទទាន់ហេតុការណ៍ ០១៥/០៩២ ២១៩ ៨៨៨ ដើម្បីធ្វើការដោះស្រាយជូន។

ដើម្បីទទួលរបបឧបត្ថម្ភ អ្នកទទួលផលត្រូវជា៖

ក. អតីតយុទ្ធជនដែលជាអតីតមន្ត្រីនគរបាលជាតិ កងសេនាជន កងជីវពលនៃក្រសួងមហាផ្ទៃ ឬអតីតយោធិន នៃក្រសួងការពារជាតិដែលបានបម្រើការងារក្នុងក្របខណ្ឌក្រសួងសាមី ហើយដែលបានដាក់ឱ្យចូលជានិវត្តជន ជនបាត់បង់សមត្ថភាពការងារ ឬជនពិការ។

ខ.គ្រួសារអតីតយុទ្ធជន នៃជនពលី ឬមរណៈ ក៏ដូចជាសពនិវត្តជន ជនបាត់បង់សមត្ថភាពការងារ ឬជនពិការ។

អ្នកដែលអាចទទួលផលពីរបបសន្តិសុខសង្គមនេះ រួមមាន៖

ក. អតីតយុទ្ធជនដែលជានិវត្តជន ជនបាត់បង់សមត្ថភាពការងារ និងជនពិការ

ខ. គ្រួសារអតីតយុទ្ធជន (ជនពលី និងជនមរណៈ)។

របបសន្តិសុខសង្គមនេះមានគោលដៅគ្រប់គ្រងរបបសន្តិសុខសង្គមសម្រាប់អតីតយុទ្ធជនក្នុងព្រះរាជាណាចក្រកម្ពុជាឱ្យមានប្រសិទ្ធភាព និងតម្លាភាពជូនដល់អតីតយុទ្ធជន និងគ្រួសារអតីតយុទ្ធជន ក៏ដូចជាលើកកម្ពស់ជីវភាពខាងសម្ភារៈ ស្មារតីរបស់អតីតយុទ្ធជន និងបង្កើតសំណាញ់សុវត្ថិភាពសង្គម។

មន្រ្តីរាជការស៊ីវិលទទួលបាននូវរបបសន្តិសុខសង្គម គឺត្រូវមានលក្ខខណ្ឌដូចខាងក្រោម៖

–  ការចូលនិវត្តន៍

+  ដោយអាយុកំណត់ គឺត្រូវមានអាយុ ៦០ឆ្នាំ និងអតីតភាពការងារយ៉ាងតិច ២០ឆ្នាំឡើង។

+  ដោយមុនអាយុកំណត់ គឺត្រូវមានអតីតភាពការងារចាប់ពី ៣០ឆ្នាំ ឡើងទៅ។

–  ការបាត់បង់សម្បទាវិជ្ជាជីវៈទាំងស្រុង ឬដោយផ្នែកលើសរីរាង្គ ឬផ្លូវចិត្ត ដោយគ្រោះថ្នាក់ការងារ ឬជំងឺវិជ្ជាជីវៈ ត្រូវមានអតីតភាពការងារយ៉ាងតិច ២០ឆ្នាំ។

–  មរណភាព៖ មន្រ្តីរាជការស៊ីវិលទទួលមរណភាព ដោយសារជំងឺ ឬដោយបេសកកម្ម។

កំណត់សម្គាល់៖

–  ការវាយតម្លៃការបាត់បង់សម្បទាវិជ្ជាជីវៈសម្រេចដោយគណៈកម្មការដែលមានសមាសភាពចូលរួមពីគ្រូពេទ្យ ។

–  មន្រ្តីរាជការស៊ីវិលដែលមានអតីតភាពការងារតិចជាង២០ឆ្នាំ អាចទទួលបានការឧបត្ថម្ភ ១លើកគត់ ហើយចំនួនស្មើនឹង១០ដង នៃប្រាក់បៀវត្សមូលដ្ឋានចុងក្រោយ នៅក្រសួងស្ថាប័នសាមី។

អ្នកទទួលផល រួមមាន៖

– និវត្តន៍ជន ឬជនបាត់បងសម្បទាវិជ្ជាជីវៈ

– សហព័ទ្ធជាប្រពន្ធ ឬប្តី

– កូននៅក្នុងបន្ទុក

របបសន្តិសុខសង្គមសម្រាប់មន្រ្តីរាជការស៊ីវិលមានគោលបំណង កំណត់ពីរបបសន្តិសុខសង្គម ស្ថាប័នអនុវត្ត និងមូលនិធិសម្រាប់ទ្រទ្រង់របបសន្តិសុខសង្គមមួយនេះ ដែលស្ថិតនៅក្រោមបទប្បញ្ញត្តិច្បាប់ស្តីពីសហលក្ខន្តិកៈមន្ត្រីរាជការស៊ីវិល នៃព្រះរាជាណាចក្រកម្ពុជា ។

ក្នុងករណីនេះ ៖

• អាចមកពីការទៅពិនិត្យមិនចំថ្ងៃណាត់របស់គ្រូពេទ្យ(មុន ឫក្រោយ)
• កាតវីងត្រូវបានប្លុក ដោយសារចុចលេខកូដខុសច្រើនដង
• ដំណោះស្រាយត្រូវរាយការណ៍ទៅ ឃុំ សង្កាត់ ដើម្បីដោះស្រាយជូន ។