កម្មវិធីឧបត្ថម្ភសាច់ប្រាក់ជូនស្ត្រីមានផ្ទៃពោះ និងកុមារអាយុក្រោម ២ឆ្នាំ
(កាលបរិច្ឆេទចាប់ផ្តើមអនុវត្តកម្មវិធីថ្ងៃ២ ខែកុម្ភៈ ឆ្នាំ២០២០ដល់បច្ចុប្បន្ន)
កម្មវិធីនេះជាអ្វី?
កម្មវិធីនេះគឺជាកម្មវិធីជំនួយសង្គមដែលបានគំាទ្រថវិកាដោយរាជរដ្ឋាភិបាល ក្នុងការចូលរួមចំណែកឆ្លើយតបនូវបញ្ហាថែទំាសុខភាព និងអាហារូបត្ថម្ភរបស់ស្រ្តីមានផ្ទៃពោះ ស្រ្តីបំបៅកូន និងកុមារ។
កម្មវិធីនេះ មានគោលបំណងអ្វី ?
កម្មវិធីនេះ សម្រាប់អ្នកណា ?
ស្រ្តីមានផ្ទៃពោះ
ស្ថិតក្នុងគ្រួសារក្រីក្រដែលមានបណ្ណសមធម៌មានសុពលភាព
កុមារអាយុក្រោម២ឆ្នាំ
ស្ថិតក្នុងគ្រួសារក្រីក្រដែលមានបណ្ណសមធម៌មានសុពលភាព
តើអ្នកត្រូវមានឯកសារអ្វីខ្លះ?
ស្ត្រីមានផ្ទៃពោះ ត្រូវមានបណ្ណសមធម៌មានសុពលភាព និងសៀវភៅសុខភាពមាតា
កុមារស្ថិតក្នុងគ្រួសារមានបណ្ណសមធម៌មានសុពលភាព និងសៀវភៅសុខភាពកុមារ(បណ្ណពណ៌លឿង)
តើធ្វើដូចម្តេច អ្នកអាចទទួលបានអត្ថប្រយោជន៍ពីកម្មវិធី?
ដើម្បីទទួលបានអត្ថប្រយោជន៍ពីកម្មវិធី៖
ស្រ្តីមានផ្ទៃពោះត្រូវទៅចុះឈ្មោះចូលក្នុងកម្មវិធីនេះ នៅសាលាឃុំ សង្កាត់ណាមួយក៏បានដែលនៅជិតទីកន្លែងដែលពួកគាត់រស់នៅដោយយកទៅជាមួយនូវបណ្ណសមធម៌មានសុពលភាព និងសៀវភៅសុខភាពមាតា។ ស្រ្តីនឹងទទួលបានកាតវីងក្រោយការចុះឈ្មោះរួចនៅសាលាឃុំ សង្កាត់ ដើម្បីប្រើប្រាស់សម្រាប់ដកលុយនៅតាមបញ្ជរវីង។
ករណីកុមារអាយុក្រោម២ឆ្នាំ មិនទាន់បានចុះឈ្មោះចូលក្នុងកម្មវិធី ឪពុកម្តាយ ឬអាណាព្យាបាល ត្រូវនាំកុមារទៅចុះឈ្មោះនៅសាលាឃុំ សង្កាត់ ដោយភ្ជាប់មកជាមួយនូវបណ្ណសមធម៌មានសុពលភាព និងបណ្ណសុខភាពកុមារ (បណ្ណពណ៌លឿង)។
សេវាពិនិត្យសុខភាព
ពេលវេលាទទួលសេវា
ប្រាក់ឧបត្ថម្ភ
ដំណាក់កាលទី
ការពិនិត្យផ្ទៃពោះ
- លើកទី ១
- លើកទី ២
- លើកទី ៣
- លើកទី ៤
គត៌មានអាយុ
- តិចជាង១២សប្ដាហ៍
- ២០ទៅ២៤សប្ដាហ៍
- ៣០ទៅ៣២សប្ដាហ៍
- តិចជាង៣៦ទៅ៣៨សប្ដាហ៍
ផ្ដល់ការឧបត្ថម្ភចំនួន៨០ ០០០រៀលក្នុង១ដង សម្រាប់ការមកទទួលសេវាពិនិត្យផ្ទៃពោះ ដែលផ្តល់ជាអតិបរមាចំនួន៤ដង មុនពេលសម្រាល ។
ដំណាក់កាលទី
- សម្រាលកូន
- តាមកាលវេលាជាក់ស្ដែង
ផ្ដល់ការឧបត្ថម្ភតែ១ដងគត់
សម្រាលកូនទោលទទួលបាន ៤០០ ០០០រៀល
សម្រាលកូនភ្លោះ(ពីរ)ទទួលបាន ៦០០ ០០០រៀល
សម្រាលកូនភ្លោះ(បី)ទទួលបាន ៨០០ ០០០រៀល
ក្នុងករណីសម្រាលកូនភ្លោះលើសពីនេះ ផ្ដល់ការឧបត្ថម្ភ ២០០ ០០០រៀល សម្រាប់កូនភ្លោះម្នាក់បន្ថែម។
ដំណាក់កាលទី
ការពិនិត្យក្រោយសម្រាល
- លើកទី ១ (ពិនិត្យទាំងម្ដាយនិងកូន)
- លើកទី ២ (ពិនិត្យទាំងម្ដាយនិងកូន)
- លើកទី ៣ (ពិនិត្យទាំងម្ដាយនិងកូន)
- លើកទី ៤ (មកទទួលថ្នាំបង្ការ)
- លើកទី ៥ (មកទទួលថ្នាំបង្ការ)
- លើកទី ៦ (មកទទួលថ្នាំបង្ការ)
- លើកទី ៧ (មកទទួលថ្នាំបង្ការ)
- លើកទី ៨ (មកទទួលថ្នាំបង្ការ)
- លើកទី ៩ (មកទទួលថ្នាំបង្ការ)
- លើកទី ១០ (មកទទួលថ្នាំបង្ការ)
ក្រោយសម្រាល
- ថ្ងៃទី ៧
- ថ្ងៃទី ១៤
កូនមានអាយុ
- ១ ខែកន្លះ
- ២ ខែកន្លះ
- ៣ ខែកន្លះ
- ៦ ខែ
- ៩ ខែ
- ១២ ខែ
- ១៨ ខែ
- ២៤ ខែ
ផ្តល់ការបើកផ្តល់ការឧបត្ថម្ភចំនួន៨០ ០០០រៀល ក្នុង១ដង តែផ្តល់ជាអតិបរមាចំនួន ១០ដង(ក្នុងនោះ៣ដង នៅពេលមកទទួលសេវាពិនិត្យសុខភាពក្រោយពេលសម្រាលកូន និង៧ដងនៅពេលយកកូនមកទទួលថ្នាំបង្ការរហូតដល់កូនអាយុ២ឆ្នាំ)។
តើការទទួលអត្ថប្រយោជន៍នៅពេលណា និងកន្លែងណា?
ដំណាក់កាលដំបូង
តើស្រ្តីមានផ្ទៃពោះ និងកុមារ ត្រូវធ្វើដូចម្តេចដើម្បីទទួលបានប្រាក់ឧបត្ថម្ភ?
ដំណាក់កាលបន្តបន្ទាប់
ស្រ្តីមានផ្ទៃពោះ ត្រូវទៅអនុវត្តលក្ខខណ្ឌពិនិត្យសុខភាពតាមកាលវិភាគ នៅពេលទទួលសេវាពិនិត្យសុខភាព នៅមូលដ្ឋានសុខាភិបាលសាធារណៈ តាមការណាត់ជួបពីបុគ្គលិកពេទ្យ ដោយយកមកជាមួយសៀវភៅសុខភាពមាតា ឬបណ្ណសុខភាពកុមារ និងបណ្ណគណនីធនាគារ។
ក្រោយពេលពិនិត្យសុខភាព អ្នកទទួលផលរួចគាត់អាចទៅដកប្រាក់ពីភ្នាក់ងារបញ្ជរវីង នៅគ្រប់ទីកន្លែងនៅទូទំាងប្រទេស
សារ៖ ប្រាក់ឧបត្ថម្ភដែលទទួលបាន គួរយកទៅទិញម្ហូបអាហារដែលបំប៉នដល់សុខភាព ម្តាយ និងកុមារ។ មិនត្រូវយកប្រាក់ឧបត្ថម្ភនេះទៅទិញទឹកដោះគោឱ្យកូនបៅទេ។ ទឹកដោះ ម្តាយ គឺជាអាហារដ៏ល្អបំផុតសម្រាប់ទារកក្នុងរយៈពេល១០០០ថ្ងៃដំបូងនៃជីវិត។