កម្មវិធីជាតិជំនួយសង្គមផ្នែកបណ្ដុះបណ្ដាលជំនាញវិជ្ជាជីវៈ និងបច្ចេកទេស សម្រាប់យុវជនមកពីគ្រួសារក្រីក្រ និងគ្រួសារងាយរងហានិភ័យ
តាមរយៈអនុក្រឹត្យលេខ ៣២៩ អនក្រ.បក ចុះថ្ងៃទី១២ ខែវិច្ឆិកា ឆ្នាំ២០២៣ ស្ដីពី ការអនុវត្តកម្មវិធីជាតិជំនួយសង្គមផ្នែកបណ្ដុះបណ្ដាលជំនាញវិជ្ជាជីវៈ និងបច្ចេកទេស សម្រាប់យុវជនមកពីគ្រួសារក្រីក្រ និងគ្រួសារងាយរងហានិភ័យ។
កម្មវិធីនេះ មានគោលបំណងអ្វី ?
កម្មវិធីនេះមានគោលបំណងកំណត់អំពីវិធាន នីតិវិធី និងយន្តការគ្រប់គ្រងការអនុវត្តកម្មវិធីជាតិជំនួយសង្គមផ្នែកបណ្ដុះបណ្ដាលជំនាញវិជ្ជាជីវៈ និងបច្ចេកទេស សម្រាប់យុវជនមកពីគ្រួសារក្រីក្រ និងគ្រួសារងាយរងហានិភ័យ ដើម្បីផ្ដល់ឱកាសស្មើគ្នាជូនយុវជនក្នុងការទទួលបានការអភិវឌ្ឍជំនាញ និងឱកាសការងារកាន់តែល្អប្រសើរក្នុងការបង្កើនប្រាក់ចំណូល និងជីវភាពរស់នៅ។
គោលដៅ
យុវជនមកពីគ្រួសារក្រីក្រដែលមានបណ្ណសមធម៌ និងគ្រួសារងាយរងហានិភ័យដែលមានបណ្ណសម្គាល់គ្រួសារងាយរងហានិភ័យ
នៅក្នុងព្រះរាជាណាចក្រកម្ពុជា។
នៅក្នុងព្រះរាជាណាចក្រកម្ពុជា។
លក្ខខណ្ឌនៃការទទួលផល
យុវជនមកពីគ្រួសារក្រីក្រ និងគ្រួសារងាយរងហានិភ័យ ត្រូវបំពេញលក្ខខណ្ឌគោលដូចខាងក្រោម៖
- មានអាយុចាប់ពី១៥ឆ្នាំឡើងទៅ
- មានបណ្ណសមធម៌ ឬបណ្ណសម្គាល់គ្រួសារងាយរងហានិភ័យដែលមានសុពលភាព
- មានអាយុចាប់ពី១៥ឆ្នាំឡើងទៅ
- មានបណ្ណសមធម៌ ឬបណ្ណសម្គាល់គ្រួសារងាយរងហានិភ័យដែលមានសុពលភាព
អត្ថប្រយោជន៍នៃការទទួលផល
យុវជនមកពីគ្រួសារក្រីក្រ និងគ្រួសារងាយរងហានិភ័យ ត្រូវទទួលបានអត្ថប្រយោជន៍ និងប្រាក់ឧបត្ថម្ភដូចខាងក្រោម៖
ទទួលបានការបណ្ដុះបណ្ដាលជំនាញវិជ្ជាជិវៈ និងបច្ចេកទេស និងការបណ្ដុះបណ្ដាលជំនាញវិជ្ជាជីវៈដូនតា ដោយមិនបង់ថ្លៃ និងការផ្ដល់សេវាពាក់ព័ន្ធនឹងឱកាសការងារ
ទទួលបានប្រាក់ឧបត្ថម្ភចំនួន ២៨០ ០០០ (ពីររយប៉ែតសិបពាន់) រៀល ក្នុងមួយខែដោយសិក្សាពេញម៉ោង រយៈពេល៤ខែ ដោយភ្ជាប់ជាមួយការបំពេញលក្ខខណ្ឌវត្តមានតាមការកំណត់។ សម្រាប់ការបណ្ដុះបណ្ដាលជំនាញវិជ្ជាជីវៈ និងបច្ចេកទេស ការផ្ដល់ប្រាក់ឧបត្ថម្ភមិនត្រូវលើសពី ១ ១២០ ០០០ (មួយលានមួយរយម្ភៃពាន់) រៀល ក្នុង១វគ្គសិក្សា។